- సీఎంకు ఉపాధ్యాయ సంఘాల పోరాట కమిటీ లేఖ
నవతెలంగాణ బ్యూరో - హైదరాబాద్‌
జీవో నెంబర్‌ 317ను సవరించి ఉద్యోగులకు న్యాయం చేయాలని ఉపాధ్యాయ సంఘాల పోరాట కమిటీ (యుయస్పీసీ) డిమాండ్‌ చేసింది. ఉద్యోగులు ఎదుర్కొంటున్న సమస్యలను చర్చించేందుకు యుయస్పీసీ స్టీరింగ్‌ కమిటీ సభ్యులకు సమయమివ్వాలని కోరింది. ఈ మేరకు సీఎం కేసీఆర్‌కు కమిటీ పలు జీవోలను ఉటంకిస్తూ స్టీరింగ్‌ కమిటీ లేఖ రాసింది. ''రాష్ట్రంలో ఉద్యోగ నియామకాల్లో స్థానికుల ప్రయోజనాలను కాపాడటం కోసం నూతన జోనల్‌ వ్యవస్థను ఏర్పాటు చేసి రాష్ట్రపతి ఆమోదం తీసుకున్నారు. రాష్ట్రపతి నూతన ఉత్తర్వులు 2018 ప్రకారం రాష్ట్రంలో 33 జిల్లాలు, 7 జోన్లు, రెండు మల్టీ జోన్లు ఏర్పాటు చేస్తూ సూచిక 1,2లలోని జిఓలు విడుదల చేశారు. సూచిక 3 ప్రకారం రాష్ట్రంలోని ప్రభుత్వ ఉద్యోగాలను శాఖల వారీగా జిల్లా, జోనల్‌, మల్టీజోనల్‌ పోస్టులుగా (లోకల్‌ క్యాడర్లుగా) వర్గీకరించారు.... '' అని గుర్తు చేసింది. ''నూతన లోకల్‌ క్యాడర్లలో ఉద్యోగులను సర్దుబాటు చేయటానికి విడుదల చేసిన మార్గదర్శకాలు వివాదాస్పదంగా మారాయి. ఉద్యోగుల అభ్యంతరాలను, అభ్యర్థనలను పట్టించుకోకుండా కేటాయించినందున పలువురు ఉద్యోగులు శాశ్వతంగా స్థానికతను కోల్పోయారు. సీనియారిటీ జాబితాలు సమగ్రంగా తయారు చేయలేదు. స్పెషల్‌ క్యాటగిరీ అభ్యర్ధనలను సక్రమం గా పరిశీలించలేదు. వితంతువులు, ఒంటరి మహిళ లకు ప్రాధాన్యత ఇవ్వలేదు. జిల్లాల అలొకేషన్లలో కొన్ని చోట్ల అక్రమాలు జరిగాయి. భార్యా భర్తలను ఒకే లోకల్‌ క్యాడర్‌కు బదిలీ చేయాల్సి ఉండగా కొందరికి మాత్రమే అవకాశం ఇచ్చారు. ఈ కారణంగా నష్టపోయిన అభ్యర్థులు న్యాయం కోసం అప్పీల్‌ చేసుకున్నారు. నెలరోజులు గడుస్తున్నా సదరు అప్పీళ్లు పరిష్కరించటం లేదు. దీంతో ఉద్యో గులు, ఉపాధ్యాయుల్లో తీవ్రమైన ఆవేదన, అసం తృప్తి నెలకొన్నది. సమస్యలను తమ దృష్టికి తేవటా నికి వారు వివిధ రూపాల్లో ఆందోళనలు చేప ట్టారు...'' అని పేర్కొంది. ఈ సమస్యలన్నింటినీ సక్ర మంగా సీఎం దృష్టికి తేవటంలో ఉన్నతాధికారులు, కొన్ని సంఘాల నాయకులు విఫలమయ్యారని స్టీరింగ్‌ కమిటీ భావిస్తున్నట్టు తెలిపింది.