నవతెలంగాణ బ్యూరో - హైదరాబాద్
కోవిడ్‌-19తో మరణించిన వారందరి కుటుంబాలకు సుప్రీంకోర్టు ఆదేశాల మేరకు... పరిహారం ఇవ్వాలని హైదరాబాద్ సిటీ కాంగ్రెస్‌ కమిటీ మైనారిటీ విభాగం చైర్మెన్‌ సమీర్‌ వలీవుల్లా డిమాండ్‌ చేశారు. ఈ మేరకు సోమవారం ఒక ప్రకటన విడుదల చేశారు.
పరిహారం కోసం రాష్ట్రంలో 28,969 దరఖాస్తులు రాగా అందులో 12,148 మందికి మాత్రమే పరిహారం చెల్లించారని పేర్కొన్నారు. మిగిలిన 16,821 క్లెయిమ్‌ లను ఎందుకు తిరస్కరించారో చెప్పాలని రాష్ట్ర ప్రభుత్వాన్ని డిమాండ్‌ చేశారు. జనవరి 23 నాటికి కోవిడ్‌తో మరణించిన వారి సంఖ్య మీడియా బులెటిన్‌ లో 4,072గా పేర్కొన్నారనీ, దీన్ని సవరించాలని సూచించారు.
మీ స్నేహితులకు రికమెండ్ చెయ్యండి
