నవతెలంగాణ బ్యూరో - హైదరాబాద్‌
తెలంగాణ గొప్ప లౌకిక రాష్ట్రమని రాష్ట్ర పురపాలకశాఖ మంత్రి కేటీఆర్‌ తెలిపారు. రాష్ట్ర సాంఘిక సంక్షేమశాఖ మంత్రి కొప్పుల ఈశ్వర్‌ నాయకత్వంలో మంగళవారం ప్రగతిభవన్‌లో క్రిస్టియన్‌ ప్రముఖులు కేటీఆర్‌ ను కలిశారు.ఈ సందర్భంగా ఆయన మాట్లాడుతూ సీఎం కేసీఆర్‌ హిందూ ధర్మాన్ని పాటిస్తున్నా అన్ని కులాలు, మతాలు, వర్గాల పట్ల ఏ మాత్రం వివక్ష కనబర్చకుండా సమదష్టితో ముందుకు సాగుతున్నారని తెలిపారు. తెలంగాణ ఒక వసుదైక కుటుంబంగా అవతరించిందని చెప్పారు. కేటీఆర్‌ ను కలిసిన వారిలో మంత్రులతో పాటు ఎమ్మెల్యేలు డాక్టర్‌ టి.రాజయ్య, స్టీవెన్‌ సన్‌, ఎమ్మెల్సీ డి.రాజేశ్వర్‌ రావు, రాష్ట్ర ప్రభుత్వ సలహాదారు ఎ.కె.ఖాన్‌, ఫుడ్‌ కమిషన్‌ సభ్యులు ఆనంద్‌, క్రిస్టియన్‌ ఫైనాన్స్‌ కార్పొరేషన్‌ ఎండీ కాంతి వెస్లీ తదితరులున్నారు.