నవతెలంగాణ బ్యూరో - హైదరాబాద్‌
రాష్ట్ర ప్రజలకు గవర్నర్‌ డాక్టర్‌ తమిళిసై సౌందర రాజన్‌ 73వ గణతంత్ర దినోత్సవ శుభాకాంక్షలు తెలిపారు. ప్రజల సమిష్టి శక్తితో 72 ఏండ్ల క్రితం దేశం గణతంత్రంగా అవతరించిందని తెలిపారు. డాక్టర్‌ బీ.ఆర్‌.అంబేద్కర్‌ తదితరులు స్వేచ్ఛ, సమానత్వంతో కూడిన గొప్ప రాజ్యాంగాన్ని దేశానికి అందించారని గుర్తుచేశారు. 75 ఏండ్ల స్వాతంత్య్ర వేడుకలు జరుగుతున్న ఈ సమయంలో అన్ని వర్గాల ప్రజల్లో గణతంత్ర స్ఫూర్తిని తీసుకెళ్లాలని ఆమె పిలుపునిచ్చారు. రాజ్యాంగ విలువల కోసం మరోసారి అందరం పునరంకితం కావాలని ఆమె ఆకాంక్షించారు. రాష్ట్ర వ్యవసాయశాఖ మంత్రి సింగిరెడ్డి నిరంజన్‌ రెడ్డి తదితర మంత్రులు గణతంత్ర శుభాకాంక్షలు తెలిపారు.