నవతెలంగాణ బ్యూరో - హైదరాబాద్‌
రాష్ట్రంలో కొత్తగా 4,559 మందికి కరోనా సోకింది. ఇద్దరు మరణించారు. సోమవారం సాయంత్రం 5.30 గంటల నుంచి మంగళవారం సాయంత్రం 5.30 గంటల వరకు 1,13,670 మందికి టెస్టులు చేయగా బయటపడినట్టు కోవిడ్‌-19 మీడియా బులెటిన్‌ వెల్లడించింది. 7,695 మంది రిపోర్టులు రావాల్సి ఉంది. రాష్ట్రంలో ప్రస్తుతం 36,269 యాక్టివ్‌ కేసులున్నాయి. జిల్లాల వారీగా చూస్తే జీహెచ్‌ఎంసీలో అత్యధికంగా 1,450 మందికి కరోనా సోకింది. మేడ్చల్‌ - మల్కాజిగిరిలో 432, రంగారెడ్డిలో 322, హన్మకొండలో 201, నల్లగొండలో 138, ఖమ్మంలో 145, కరీంనగర్‌ లో 112 మంది వ్యాధి బారిన పడ్డారు. రాష్ట్రంలో పాజిటివ్‌ రేటు 4.01 శాతంగా నమోదయింది.