నవతెలంగాణ బ్యూరో - హైదరాబాద్
రాష్ట్రంలో కొత్తగా 3,801 మందికి కరోనా సోకింది. ఒకరు మరణించారు. మంగళవారం సాయంత్రం 5.30 గంటల నుంచి బుధవారం సాయంత్రం 5.30 గంటల వరకు 88,867 మందికి టెస్టులు చేయగా బయటపడినట్టు కోవిడ్‌-19 మీడియా బులెటిన్‌ వెల్లడించింది. 5,433 మంది రిపోర్టులు రావాల్సి ఉంది. రాష్ట్రంలో ప్రస్తుతం 38,023 యాక్టివ్‌ కేసులున్నాయి. జిల్లాల వారీగా చూస్తే జీహెచ్‌ఎంసీలో అత్యధికంగా 1,570 మందికి కరోనా సోకింది. మేడ్చల్‌ - మల్కాజిగిరిలో 254, రంగారెడ్డిలో 284, హన్మకొండలో 147, ఖమ్మంలో 139 మంది వ్యాధి బారిన పడ్డారు. రాష్ట్రంలో పాజిటివ్‌ రేటు 4.27 శాతంగా నమోదయింది.
మీ స్నేహితులకు రికమెండ్ చెయ్యండి
