- ఆలస్య రుసుంతో మార్చి 14 దాకా చెల్లించేందుకు అవకాశం
నవతెలంగాణ బ్యూరో - హైదరాబాద్‌
పదో తరగతి వార్షిక పరీక్షలు-2022 ఫీజు చెల్లింపు గడువును వచ్చేనెల 14 వరకు రాష్ట్ర ప్రభుత్వం పొడిగించింది. ఈ మేరకు ప్రభుత్వ పరీక్షల విభాగం సంచాలకులు ఎ కృష్ణారావు శుక్రవారం ఒక ప్రకటన విడుదల చేశారు. పదో తరగతి వార్షిక పరీక్షలు ఏప్రిల్‌ లేదా మేలో జరుగుతాయని పేర్కొన్నారు. షెడ్యూల్‌ ప్రకారం ఆలస్య రుసుం లేకుండా ఫీజు చెల్లించేం దుకు శనివారం వరకే గడువున్నది. కరోనా నేపథ్యంలో విద్యాసంస్థలకు ఈనెల 30 వరకు సెలవులను పొడిగించిన విషయం తెలిసిందే. కోవిడ్‌ కేసుల తీవ్రత పెరుగుతున్న ప్రస్తుత పరిస్థితుల్లో పదో తరగతి ఫీజుచెల్లింపు గడువును పొడిగించాలంటూ విద్యార్థులు, తల్లిదండ్రుల నుంచి విజ్ఞప్తులు వచ్చాయి. దీంతో ఆలస్య రుసుం లేకుండా ఫీజు చెల్లించే గడువును వచ్చేనెల 14వ తేదీ వరకు పొడిగిస్తున్నట్టు తెలిపారు. ఆలస్య రుసుం రూ.50తో వచ్చేనెల 24 వరకు, రూ.200తో మార్చి నాలుగు వరకు, రూ.500తో మార్చి 14వ తేదీ వరకు ఫీజు చెల్లించేందుకు అవకాశముందని పేర్కొన్నారు. ఇతర వివరాల కోసం షషష.bరవ.్‌వశ్రీaఅస్త్రaఅa.స్త్రశీఙ.ఱఅ వెబ్‌సైట్‌ను సంప్రదించాలని కోరారు.