- ఢిల్లీ ఘటనపై ఐద్వా డిమాండ్‌.. దిష్టిబొమ్మ దహనం
నవతెలంగాణ బ్యూరో-హైదరాబాద్
ఢిల్లీలోని కస్తూర్బా నగర్‌లో 20సంవత్సరాల మహి ళపై సామూహిక లైంగికదాడికి పాల్పడి అత్యంత దారుణంగా అవమానించిన దోషులను కఠినంగా శిక్షించాలని అఖిల భారత ప్రజాతంత్ర మహిళా సంఘం (ఐద్వా) డిమాండ్‌ చేసింది. హైదరాబాద్ లోని సుందరయ్య పార్కు వద్ద ఆ సంఘం ఆధ్వ ర్యంలో నిందితుల దిష్టిబొమ్మను శుక్రవరాం దహ నం చేశారు. ఈ సందర్భంగా రాష్ట్ర ప్రధాన కార్యదర్శి మల్లు లక్ష్మి మాట్లాడారు. గణతంత్ర దినోత్సవం రోజున ఢిల్లీలో 20 సంవత్సరాల మహిళను ఇంట్లో నుంచి ఎత్తుకుపోయి ముగ్గురు యువకులు క్రూరంగా లైంగిక దాడిచేయటం ధారుణమన్నారు. ఆమె జుట్టు కత్తిరించి మొహానికి నల్లరంగుపూసి, చెప్పుల దండ వేసి బెల్టులతో కొడుతూ ఊరంతా ఊరేగించడంపై పాలకులు సిగ్గుపడాలంటూ ఆగ్రహం వ్యక్తం చేశారు. నిరంతరం మహిళల రక్షణ గురించి మాట్లాడుతున్న ప్రభాత్వాధినే తలు మహిళల మాన, ప్రాణాలకు రక్షణ కల్పించలేక పోతున్నారని ఆవేదన వ్యక్తంచేశారు. పైగా మహిళల ప్రవర్తనపై బీజేపీ మంత్రులు, బాధ్యతకలిగిన వ్యక్తులు వ్యాఖ్యానాలు చేసిన సందర్భాలున్నా యని గుర్తుచేశారు. పాలకుల కు ఏ మాత్రం చిత్తశుద్ధి ఉన్నా.. నిందితులను వెంటనే (13 మందిని) అరెస్టు చేసి కఠినంగా శిక్షించాలని డిమాండ్‌ చేశారు. మహిళలపై దారుణాలు జరిగిన ఘటనల్లో మద్యం, డ్రగ్స్‌ ఎక్కువ గా సేవిస్తున్నారనే విషయం అనేక విచారణల్లో తేలిందన్నారు. ఈనేపథ్యంలోనే మద్యాన్ని, డ్రగ్స్‌, ఫోర్న్‌ వీడియో లను నియంత్రించాలని కోరారు. ఇప్పటికైనా మహిళా రక్షణ చట్టాలను పటిష్టంగా అమలు చేయాలనీ, రక్షణ చర్యలు చేపట్టాలని డిమాండ్‌ చేశారు. ఐద్వా రాష్ట్ర అధ్యక్షురాలు ఆర్‌ అరుణ జ్యోతి, ఉపాధ్యక్షులు కేఎన్‌ ఆశాలత, లక్ష్మమ్మ సహాయ కార్యదర్శులు ఎంవినోద, కెనాగలక్ష్మి రాష్ట్ర సమిటి సభ్యులు ఎం స్వర్ణలత, పద్మ, షబానా, ప్రేమ, భవాని తదితరులు పాల్గొన్నారు.
