- నితిన్‌ గడ్కరీకి రాష్ట్ర మంత్రి కృతజ్ఞతలు
నవతెలంగాణ బ్యూరో - హైదరాబాద్‌
రాష్ట్రంలో మొట్టమొదటి ప్రాజెక్టుగా రహదారి నిర్మాణానికి రూ.704 కోట్లు విడుదల చేసినందుకు కేంద్ర ఉపరితల రవాణాశాఖ మంత్రి నితిన్‌ గడ్కరీ, సీఎం కేసీఆర్‌, రాష్ట్ర రోడ్లు, భవనాల శాఖ మంత్రి వేముల ప్రశాంత్‌ రెడ్డికి, రాష్ట్ర ఎక్సైజ్‌ శాఖ మంత్రి వి.శ్రీనివాస్‌ గౌడ్‌ కృతజ్ఞతలు తెలిపారు. ఈ మేరకు శనివారం ఒక ప్రకటన విడుదల చేశారు. మహబూబ్‌నగర్‌, హన్వాడ, కోస్గి జాతీయ రహదారి నిర్మాణం కోసం సీఎం కేసీఆర్‌ లేఖ రాయగా కేంద్రం ఆమోదించినట్టు చెప్పారు. ఈ రహదారి నిర్మాణం ద్వారా కర్నాటక రాష్ట్రం నుంచి మహబూబ్‌నగర్‌ పట్టణం మీదుగా రాకపోకలు జరిగి పట్టణంతోపాటు జిల్లా అభివృద్ది జరుగుతుందని మంత్రి అకాంక్షించారు.