నవతెలంగాణ బ్యూరో - హైదరాబాద్‌
యూజీ ఆయుష్‌ వైద్య కోర్సులో ప్రవేశాలకు కాళోజీ ఆరోగ్య విశ్వవిద్యాలయం శనివారం నోటిఫికేషన్‌ విడుదల చేసింది. ప్రభుత్వ, ప్రయివేటు ఆయుష్‌ కళాశాలల్లో కన్వీనర్‌ కోటాలో బీఏఎంఎస్‌ , బీహెచ్‌ఎంఎస్‌, బీయూఎంఎస్‌, బీఎన్‌వైఎస్‌, కోర్సుల్లో ప్రవేశాలకు నీట్‌ 2021లో అర్హత సాధించిన అభ్యర్థులు దరఖాస్తు చేసుకోవచ్చు. ఇందుకోసం ఈ నెల 31వ తేదీ ఉదయం 10 గంటల నుంచి ఫిబ్రవరి ఆరో తేదీ సాయంత్రం ఐదు గంటల వరకు ఆన్‌లైన్‌లో రిజిస్ట్రేషన్‌ చేసుకోవాలని వారు సూచించారు. నిర్దేశిత ధరఖాస్తును పూర్తి చేయడంతో పాటు అభ్యర్థులు సంబంధిత సర్టిఫికెట్లను స్కాన్‌ చేసి వెబ్‌సైట్‌లో అప్‌లోడ్‌ చేయాల్సి ఉంటుంది. ప్రవేశాలకు సంబంధించి అర్హత, ఇతర సమాచారానికి యూనివర్సిటీ వెబ్‌సైట్‌ www.knruhs.telangana.gov.Inసంప్రదించాలని యూనివర్సిటీ వర్గాలు ఆ ప్రకటనలో తెలిపారు.