- నేటి నుంచి భూములు, ప్లాట్ల సవరించిన మార్కెట్‌ విలువలు అమల్లోకి..
నవతెలంగాణ-నిజామాబాద్‌సిటీ
నేటి నుంచి భూములు, ప్లాట్ల ధరలను మార్కెట్‌ విలువకు అనుగుణంగా సవరించనున్నట్టు ప్రభుత్వం ప్రకటించడంతో గత వారం రోజులుగా రిజిస్ట్రేషన్‌ కార్యాలయాలకు దరఖాస్తు దారుల తాకిడి పెరిగింది. ఒక్కసారిగా దరఖాస్తుల సంఖ్య పెరగడంతో ధరణి పోర్టల్‌ సర్వర్‌ డౌన్‌ అయింది. ఒక్కో రిజిస్ట్రేషన్‌కు మూడు నుంచి నాలుగు గంటల పాటు సమయం తీసుకుంది. రిజిస్ట్రేషన్‌ కోసం వచ్చిన వారు తహసీల్దార్‌ కార్యాలయాల్లో పడిగాపులు కాశారు. నిజామాబాద్ నగరంలోని రిజిస్ట్రేషన్‌ కార్యాలయంలో గతంలో రోజువారి 40 నుంచి 50 రిజిస్ట్రేషన్లు చేపట్టగా.. ఈ వారం రోజులుగా రోజువారి 120 నుంచి 140 వరకు రిజిస్ట్రేషన్లు చేపట్టడం గమనార్హం.
మీ స్నేహితులకు రికమెండ్ చెయ్యండి
