- డాక్టర్‌ చింతమడక సాయిరాం
నవతెలంగాణ బ్యూరో - హైదరాబాద్‌
గర్భాశయ క్యాన్సర్‌ మరణాలను నివారించేందుకు కేంద్ర బడ్జెట్‌లో తగినంత ప్రాధాన్యత లభించలేదని ప్రముఖ ఆంకాలజిస్టు డాక్టర్‌ చింతమడక సాయిరాం అభిప్రాయపడ్డారు. ప్రతి ఏడాది గర్భాశయ క్యాన్సర్‌తో 1,30,000 మంది మహిళలు మరణిస్తున్నారని తెలిపారు. ఈ మరణాల నివారణకు హ్యూమన్‌ పాపిలోమా వ్యాక్సిన్‌ ఇవ్వాల్సిన అవసరముందని చెప్పారు. విదేశాల నుంచి దిగుమతి చేసుకుంటున్న వైద్య పరికరాలపై పన్నులను తొలగించాలని కోరారు. నివారించదగ్గ జబ్బుల విషయంలో కేంద్ర, రాష్ట్ర ప్రభుత్వాలు సంయుక్త బాధ్యత వహించాలని విజ్ఞప్తి చేశారు. ఆరోగ్యసంరక్షణ కోసం పెట్టే ఖర్చులన్నింటికీ ఆదాయ పన్ను మినహాయింపు ఇవ్వాలని సూచించారు.