నవతెలంగాణ బ్యూరో - హైదరాబాద్
భారత రాజ్యాంగంపై ముఖ్యమంత్రి కేసీఆర్‌ వ్యాఖ్యలు గర్హనీయమని టీఎస్‌పీటీఏ అధ్యక్షులు సయ్యద్‌ షౌకత్‌అలీ, ప్రధాన కార్యదర్శి ఎన్‌ చెన్నరాములు విమర్శించారు. ఆ వ్యాఖ్యలను ఉపసంహరించుకోవాలని బుధవారం ఒక ప్రకటనలో డిమాండ్‌ చేశారు. ఆయన వ్యాఖ్యలు అన్ని వర్గాల ప్రజల మనోభావాలనూ గాయపరిచాయని తెలిపారు. డాక్టర్‌ బాబాసాహెబ్‌ అంబేద్కర్‌ నేతృత్వంలో మేధావుల బృందం రచించిన రాజ్యాంగం కల్పించిన భిక్ష వల్లే కేసీఆర్‌ ముఖ్యమంత్రి అయ్యారని గుర్తు చేశారు. దాన్ని విస్మరించి సీఎం హోదాకు భంగం కలిగించారని విమర్శించారు. ఆయన ఆ పదవిలో కొనసాగే అర్హత కోల్పోయారని తెలిపారు. సీఎం కేసీఆర్‌ తన తప్పు తెలుసుకుని పశ్చాత్తాపాన్ని వ్యక్తం చేయాలనీ, లేనిపక్షంలో వచ్చే ఎన్నికల తర్వాత ఆ అవకాశం ఉండబోదని పేర్కొన్నారు.
మీ స్నేహితులకు రికమెండ్ చెయ్యండి
