నవతెలంగాణ బ్యూరో - హైదరాబాద్‌
రాష్ట్రంలో కొత్తగా 2,241 మందికి కరోనా సోకింది. ఇద్దరు మరణించారు. గురువారం సాయంత్రం 5.30 గంటల నుంచి శుక్రవారం సాయంత్రం 5.30 గంటల వరకు 81,417 మందికి టెస్టులు చేయగా బయటపడినట్టు కోవిడ్‌-19 మీడియా బులెటిన్‌ వెల్లడించింది. 3,980 మంది డిశ్చార్జి అయ్యారు. 2,441 మంది రిపోర్టులు రావాల్సి ఉంది. రాష్ట్రంలో ప్రస్తుతం 33,104 యాక్టివ్‌ కేసులున్నాయి. వీరిలో ప్రభుత్వ, ప్రయివేటు ఆస్పత్రుల్లో 2,827 మంది చికిత్స పొందుతున్నారు. జిల్లాల వారీగా చూస్తే జీహెచ్‌ఎంసీలో అత్యధికంగా 649 మందికి కరోనా సోకింది. మేడ్చల్‌ - మల్కాజిగిరిలో 144, రంగారెడ్డిలో 114, హన్మకొండలో 106 మంది వ్యాధి బారిన పడ్డారు. రాష్ట్రంలో పాజిటివ్‌ రేటు 2.97 శాతంగా నమోదయింది.