- మంత్రి గంగుల కమలాకర్‌
నవతెలంగాణ బ్యూరో - హైదరాబాద్
వానాకాలం ధాన్యం సేకరణంలో ఆల్‌ టైం రికార్డు నెలకొల్పామనీ, ఈ విషయంలో ఉమ్మడి రాష్ట్రాన్ని మించి దేశంలో తెలంగాణ మూడో స్థానంలో నిలిచిందని రాష్ట్ర పౌరసరఫరాలశాఖ మంత్రి గంగుల కమలాకర్‌ తెలిపారు. ఈ మేరకు గురువారం ఒక ప్రకటన విడుదల చేశారు. కేంద్రం విధించిన లక్ష్యాన్ని మించి 70.30 లక్షల మెట్రిక్‌ టన్నుల ధాన్యాన్ని 12,87,029 మంది రైతుల నుంచి సేకరించి రూ.13,757 కోట్లను వారికి వారంలోగా ఖాతాల్లోకి నగదు బదిలీ చేశామన్నారు. కరోనా కాలంలో 6,872 కొనుగోలు కేంద్రాల ద్వారా విజయవంతంగా సేకరణ పూర్తి చేసిన సిబ్బందిని అభినందించారు.
మీ స్నేహితులకు రికమెండ్ చెయ్యండి
