నవతెలంగాణ-హైదరాబాద్‌బ్యూరో
దక్షిణ మధ్య రైల్వే జోన్‌ పరిధిలో సరుకు రవాణాలో 2022 జనవరిలో 27 శాతం వృద్ధిని నమోదు చేసినట్టు ఆ సంస్థ ఓ ప్రకటనలో తెలిపింది. గతేడాది జనవరి నెలలో 9.7 మిలియన్‌ టన్నుల లోడింగ్‌ జరగ్గా, ఈ ఏడాది అదే నెలలో 10.9 మిలియన్‌ టన్నుల లోడింగ్‌ జరిగిందని తెలిపారు. భారత ఆహార సంస్థ ద్వారా ఆహార ధాన్యాలు, బొగ్గు, సిమెంట్‌, ఎరువులు, కంటైనర్లు, ఇతర సరుకులను రవాణా చేసినట్టు వివరించారు. ఆహార ధాన్యాల లోడింగ్‌లో 123 శాతం, కంటైనర్‌ లోడింగ్‌లో 56 శాతం వృద్ధి సాధించామని దక్షిణ మధ్య రైల్వే జనరల్‌ మేనేజర్‌ సంజీవ్‌ కిశోర్‌ తెలిపారు. ఈ సందర్భంగా ఆయన సిబ్బందికి అభినందనలు తెలిపి, ఇదే తరహా కృషి కొనసాగించాలని ఆదేశించారు.