నవతెలంగాణ బ్యూరో - హైదరాబాద్
రాష్ట్ర ప్రభుత్వం అమలు చేస్తున్న వివిధ అభివృద్ధి, సంక్షేమ కార్యక్రమాల గురించి తెలుసుకునేందుకు హిమాచల్‌ ప్రదేశ్‌ రాష్ట్ర ప్రభుత్వ ప్రధాన కార్యదర్శి రామ్‌ సుభాగ్‌ సింగ్‌ సోమవారం తెలంగాణ సచివాలయం బీఆర్కెఆర్‌ భవన్‌కు వచ్చారు. వివిధ రాష్ట్రాలు అమలు చేస్తున్న అత్యుత్తమ పథకాలను తమ రాష్ట్రంలో అమలు చేసేందుకు ఆయా రాష్ట్రాల నుంచి వివరాలు సేకరిస్తున్నట్టు ఆయన తెలిపారు. ఈ సందర్భంగా నిర్వహించిన సమావేశంలో ప్రభుత్వ ప్రధాన కార్యదర్శి సోమేశ్‌ కుమార్‌ సూచనల మేరకు ఆయా శాఖల ఉన్నతాధికారులు హిమాచల్‌ ప్రదేశ్‌ రాష్ట్ర ప్రభుత్వ ప్రధాన కార్యదర్శికి వివరించారు.
మీ స్నేహితులకు రికమెండ్ చెయ్యండి
