- మంత్రి సత్యవతి రాథోడ్‌
నవతెలంగాణ బ్యూరో-హైదరాబాద్
గిరిజన సంక్షేమ గురుకులాలు విద్యా సొసైటీ ఆధ్వర్యంలో అద్భుతమైన ఫలితాలు సాధిస్తూ విద్యార్థుల ప్రతిభా కేంద్రాలుగా మారాయని గిరిజన సంక్షేమ శాఖ మంత్రి సత్యవతి రాథోడ్‌ మంగళవారం ఒక ప్రకటనలో తెలిపారు. ఈ ఏడాది గిరిజన సంక్షేమ గురుకుల విద్యా సంస్థల నుంచి ఇంజనీరింగ్‌, మెడికల్‌ విభాగాల్లో 223 మంది విద్యార్థులు గొప్ప గొప్ప విద్యా సంస్థల్లో సీట్లు సాధించారని తెలిపారు. గత ఆరేండ్లలో(2017 నుంచి 2021) వరకు 1286 మంది విద్యార్థులు ఐఐటీ, ఎన్‌ఐటీ, ఐఐఐటీ, జీఎఫ్టీఐ, ఎంబీబీఎస్‌, బీడీఎస్‌, బీఎస్సీ అగ్రికల్చర్‌, ఫార్మసీ, ఐఐఎస్‌ఈఆర్‌, ఎన్‌ఐఎస్‌ఈఆర్‌ కోర్సుల్లో ప్రతిష్టాత్మక యూనివర్సిటీలలో సీట్లు సాధించారని పేర్కొన్నారు. అందుకు కృషి చేసిన ఉపాధ్యాయులకు సిబ్బందికి మంత్రి అభినందనలు తెలిపారు.
మీ స్నేహితులకు రికమెండ్ చెయ్యండి
