నవతెలంగాణ బ్యూరో-హైదరాబాద్‌
రాష్ట్రంలో నీటి సంరక్షణ కార్యక్రమాలను గుర్తించి ప్రొత్సహించేందుకు తెలంగాణ జల వనరుల అభివృద్ధి సంస్థ ఆధ్వర్యంలో నీటి సంరక్షణ అవార్డులు ఇవ్వనున్నారు. ఈ మేరకు ఆ సంస్థ చైర్మెన్‌ వి.ప్రకాశ్‌ బుధవారం ఒక ప్రకటన విడుదల చేశారు. తెలంగాణ నీటి సంరక్షణ అవార్డులు-2021 పేర ఇవ్వాలని వాటిరి నిర్ణయించినట్టు తెలిపారు. నీటి సంరక్షణలో వినూత్న పద్దతులు, వర్షపు నీటి సంరక్షణ, కృత్రిమ రీచార్జి ద్వారా భూగర్భజలాలను పెంచడం వర్షపు నీటి సంరక్షణను మెరుగుపరచడం, మురుగు, కలుషిత నీటి పునరుపయోగం, రీస్లైకింగ్‌ ట్రీట్‌మెంట్‌, చెరువులు, కాలువల పునరుద్ధరణ, నీటి సంరక్షణ కొసం ప్రజలకు చైతన్యపర్చడం, సమీకరించే ఉద్యమాలు తదితర రంగాల్లో కృషిచేసిన సంస్థలు, వ్యక్తులకు ఈ అవార్డు కోసం దరఖాస్తు చేసుకోవచ్చని పేర్కొన్నారు.