నవతెలంగాణ బ్యూరో - హైదరాబాద్
రాష్ట్రంలో కొత్తగా 311 మందికి కరోనా సోకింది. బుధవారం సాయంత్రం 5.30 గంటల నుంచి గురువారం సాయంత్రం 5.30 గంటల వరకు 35,837 మందికి టెస్టులు చేయగా బయటపడినట్టు కోవిడ్‌-19 మీడియా బులెటిన్‌ వెల్లడించింది. 614 మంది డిశ్చార్జి అయ్యారు.
1,418 మంది రిపోర్టులు రావాల్సి ఉంది. రాష్ట్రంలో ప్రస్తుతం 4,092 యాక్టివ్‌ కేసులున్నాయి. వీరిలో ప్రభుత్వ, ప్రయివేటు ఆస్పత్రుల్లో 890 మంది చికిత్స పొందుతున్నారు. జిల్లాల వారీగా చూస్తే జీహెచ్‌ఎంసీలో అత్యధికంగా 90 మందికి కరోనా సోకింది. రాష్ట్రంలో పాజిటివ్‌ రేటు 0.86 శాతంగా నమోదయింది.
మీ స్నేహితులకు రికమెండ్ చెయ్యండి
