Authorization
Mon Jan 19, 2015 06:51 pm
నవతెలంగాణ బ్యూరో - హైదరాబాద్
తెలంగాణ విద్యార్థులు ఆంగ్లంపై పట్టు సాధించేందుకు ప్రత్యేక తరహాలో పాఠ్యాంశాలను బోధించేందుకు రంగారెడ్డి జిల్లా విద్యాశాఖ ఆధ్వర్యంలో ప్రణాళిక రూపొందించిందని టీశాట్ సీఈవో ఆర్ శైలేష్రెడ్డి తెలిపారు. ఈ మేరకు ఆయన సోమవారం ఒక ప్రకటన విడుదల చేశారు. ప్రతిరోజూ గంట చొప్పున 20 రోజులు ఈ పాఠ్యాంశాలు ప్రసారమవుతాయని వివరించారు. ముఖ్యమంత్రి కేసీఆర్ ప్రభుత్వ పాఠశాలల్లో ప్రాథమిక విద్య నుంచే ఆంగ్ల మాధ్యమంలో బోధన ప్రారంభించాలని నిర్ణయించారని గుర్తు చేశారు. మంగళవారం నుంచి ఉదయం 11 గంటల నుంచి మధ్యాహ్నం 12 గంటల వరకు 20 పని రోజుల్లో ప్రత్యేక పాఠ్యాంశాలకు సంబంధించిన ప్రసారాలుంటాయని పేర్కొన్నారు.