- ఫిర్యాదు చేసిన తెలంగాణ గిరిజన సంఘం
నవతెలంగాణ బ్యూరో-హైదరాబాద్
సమ్మక్క-సారాలమ్మ దేవతలతోపాటు గిరిజన సంస్కృతి సాంప్రదాయాలను అవమాన పరిచిన దొంగ డేరా బాబా చినజీయర్‌స్వామిపై ఎస్సీ, ఎస్టీ అట్రాసిటీ కేసు నమోదు చేయాలని తెలంగాణ గిరిజన సంఘం డిమాండ్‌ చేసింది. గురువారం ఆ సంఘం ఆధ్వర్యంలో చిక్కడపల్లి పోలీస్‌స్టేషన్‌లో కేసు ఫిర్యాదు చేశారు. చిన్నజీయర్‌స్వామి మాట్లాడిన వీడియోలను పరిశీలించి ఎఫ్‌ఐఆర్‌
నమోదు చేస్తామని పోలీసులు హామీ ఇచ్చినట్టు చెప్పారు. ఈ కార్యక్రమంలో రాష్ట్ర అధ్యక్ష, ప్రధాన కార్యదర్శులు ఎం ధర్మనాయక్‌, ఆర్‌.శ్రీరామ్‌నాయక్‌, సహాయ కార్యదర్శి ఎం.బాలునాయక్‌, నాయకులు కొర్రా భరత్‌, రమావత్‌ పాండు, గోపి నాయక్‌తోపాటు ప్రదేశ్‌ ఎరుకల సంఘం రాష్ట్ర ప్రధానకార్యదర్శి బి.రఘు ఎరుకల తదితరులు పాల్గొన్నారు.
మీ స్నేహితులకు రికమెండ్ చెయ్యండి
