నవతెలంగాణ బ్యూరో-హైదరాబాద్‌
రాష్ట్రంలో వచ్చే మూడ్రోజులలో అక్కడక్కడా తేలికపాటి నుంచి మోస్తరు వర్షాలు పడే అవకాశం ఉందని హైదరాబాద్‌ వాతావరణ కేంద్రం ప్రధాన అధికారి కె.నాగరత్న తెలిపారు. పలుచోట్ల ఉరుములు, మెరుపులతో కూడిన వర్షాలు పడొచ్చు. ఆగేయ మధ్యప్రదేశ్‌, పరిసర ప్రాంతాల నుంచి మరాఠ్వాడ్‌ మీదుగా ఉత్తర ఇంటీరియల్‌ కర్నాటక వరకు నెలకొన్న ఉపరితల ద్రోణి బలహీనపడింది. రాష్ట్రంలోని చాలా ప్రాంతాల్లోనూ 40 డిగ్రీలకుపైగా ఉష్ణోగ్రతలు నమోదయ్యాయి. జగిత్యాల జిల్లా రాఘవపేటలో అత్యధికంగా 41.3 డిగ్రీల ఉష్ణోగ్రత రికార్డయింది. జైనధ్‌(ఆదిలాబాద్‌)లో 41.1, ఠానూర్‌(నిర్మల్‌)లో 40.8, ఆదిలాబాద్‌ అర్బన్‌లో 40.7, ఎండపల్లి(జగిత్యాల)లో 40.7, వీరన్నపల్లి(రాజన్నసిరిసిల్ల)లో 40.6, జానకంపేట(నిజామాబాద్‌)లో 40.5, చాప్రాల(ఆదిలాబాద్‌)లో 40.5, కెరమెరి(కొమ్రంభీమ్‌ అసిఫాబాద్‌) 40.5 డిగ్రీల చొప్పున ఉష్ణోగ్రతలు నమోదయ్యాయి.