- ఉద్యోగాల భర్తీకి మార్గదర్శకాలు
నవతెలంగాణ బ్యూరో- హైదరాబాద్
ఉద్యోగాల భర్తీకి సంబంధించి శాసనసభ వేదికగా సీఎం కేసీఆర్‌ కీలక ప్రకటన చేసిన విషయం తెలిసిందే. ఆ ప్రకటనకనుగుణంగా ఆర్థిక మంత్రి హరీశ్‌రావు, అధికారులు ఇందుకు సంబంధించిన కసరత్తును పూర్తి చేశారు. ఇటీవల మంత్రివర్గ ఉపసంఘం కూడా సమావేశమై తదుపరి ప్రక్రియపై దృష్టి పెట్టింది. ముఖ్యమంత్రి ప్రకటించిన 80,039 ఉద్యోగాలకు గాను బుధవారం తొలి విడతగా 30,453 ఉద్యోగాల భర్తీకి అనుమతిస్తూ ఆర్థికశాఖ ఉత్తర్వులు జారీ చేసింది. తదుపరి ప్రక్రియకు సంబంధించి నియామక సంస్థలకు అనుమతిస్తూ ఆదేశాలు జారీ అయ్యాయి.
మీ స్నేహితులకు రికమెండ్ చెయ్యండి
