- మున్సిపల్‌ కార్పొరేషన్‌ ఎదుట ఖాళీ బిందెలతో నిరసన
నవతెలంగాణ-కంఠేశ్వర్‌
మంచినీటి సమస్యను పరిష్కరించాలని సీపీఐ(ఎం) నగర కార్యవర్గ సభ్యురాలు సుజాత డిమాండ్‌ చేశారు. గురువారం నిజామాబాద్ జిల్లా కేంద్రంలోని రాజీవ్‌ గృహకల్ప అపార్ట్‌మెంట్‌ కాలనీవాసులు మున్సిపల్‌ కార్పొరేషన్‌ ఎదుట ఖాళీ బిందెలతో నిరసన చేపట్టారు. ఈ సందర్భంగా సుజాత మాట్లాడుతూ.. మున్సిపల్‌ కార్పొరేషన్‌ నుంచి మంచినీటి సరఫరా కోసం ఒక వ్యక్తిని కేటాయించాలని కోరారు. సమస్య పరిష్కరించకపోతే మరింత ఆందోళనలు చేపడతామని హెచ్చరించారు. కార్యక్రమంలో శారద, శ్రీదేవి, రుక్సానా, ముంతాజ్‌, గంగాధర్‌, తదితరులు పాల్గొన్నారు.
మీ స్నేహితులకు రికమెండ్ చెయ్యండి
