నవతెలంగాణ-హైదరాబాద్‌బ్యూరో
సికింద్రాబాద్‌లోని దక్షిణ మధ్య రైల్వే ప్రధాన కార్యాలయం రైల్‌ నిలయం ఆడిటోరియంలో సోమవారం డాక్టర్‌ బీఆర్‌ అంబేద్కర్‌ జయంతి వేడుకలు ఘనంగా నిర్వహించారు. ముఖ్య అతిధిగా ఆ సంస్థ జనరల్‌ మేనేజర్‌ అరుణ్‌కుమార్‌ జైన్‌, ప్రిన్సిపల్‌ చీఫ్‌ పర్సనల్‌ ఆఫీసర్‌ రాజీవ్‌ కిశోర్‌ అతిధిగా హాజరయ్యారు. ఈ సందర్భంగా వారు మాట్లాడుతూ భారత రాజ్యాంగ నిర్మాణంలో అంబేద్కర్‌ కృషిని కొనియాడారు. కుల, మత, ప్రాంతాలకు అతీతంగా దేశంలోని పౌరులందరికీ సమాన గౌరవం లభించాలని ఆయన కాంక్షించారని తెలిపారు. సమావేశంలో పలు కార్మిక, సంక్షేమ సంఘాల నాయకులు పాల్గొన్నారు.
మీ స్నేహితులకు రికమెండ్ చెయ్యండి
