- అవకాశం ఇవ్వండి
- ఇంటర్‌బోర్డుకు టీఎస్‌జీసీసీఎల్‌ఏ విజ్ఞప్తి
నవతెలంగాణ-హైదరాబాద్‌బ్యూరో
ఇంటర్మీడియట్‌ స్పాట్‌ వాల్యుయేషన్‌లో అధ్యాపకులు అందుబాటులో ఉన్న క్యాంపుల్లో చేరే అవకాశం కల్పించాలని తెలంగాణ రాష్ట్ర ప్రభుత్వ కళాశాలల కాంటాక్ట్‌ లెక్చరర్‌ అసోసియేషన్‌ అధ్యక్ష, ప్రధాన కార్యదర్శులు రమణారెడ్డి, డాక్టర్‌ కొప్పిశెట్టి సురేష్‌ విజ్ఞప్తి చేశారు. ఈ మేరకు వారు విద్యాశాఖ మంత్రి, ఇంటర్ బోర్డు సెక్రటరీకి ఆన్‌లైన్‌ ద్వారా వినతిపత్రం పంపారు. ఈ ఏడాది దాదాపు తొమ్మిది లక్షలమందికి పైగా విద్యార్థులు పరీక్షలు రాస్తున్నారనీ, రాష్ట్రవ్యాప్తంగా 14 మూల్యాంకన కేంద్రాలు ఏర్పాటు చేసినట్టు తెలిపారు. అధ్యాపకులు కుటుంబాలకు దూరంగా మూల్యాంకనాల్లో పాల్గొనడం కష్టంగా ఉంటుందనీ, అందువల్ల దగ్గర్లోఉన్న కేంద్రాల్లో బాధ్యతలు స్వీకరించేలా అవకాశం కల్పించాలని కోరారు.
మీ స్నేహితులకు రికమెండ్ చెయ్యండి
