- జూన్‌ 15 నుంచి సెకండియర్‌, జులై ఒకటి నుంచి ఫస్టియర్‌ తరగతులు
నవతెలంగాణ బ్యూరో - హైదరాబాద్
వచ్చే విద్యా సంవత్సరానికి (2022-23) సంబంధించిన అకడమిక్‌ క్యాలెండర్‌ను తెలంగాణ ఇంటర్ బోర్డు సోమవారం ప్రకటించింది. తరగతులు, సెలవులు, పరీక్షల షెడ్యూల్‌ను విడుదల చేసింది. జూన్‌ 15 నుంచి ఇంటర్ రెండో సంవత్సరం తరగతులు ప్రారంభమవుతాయని తెలిపింది. ఈ ఏడాది మొత్తం 221 పని దినాలతో ఇంటర్ విద్యా సంవత్సరం ఉంటుందనీ, అలాగే మొదటి సంవత్సరం తరగతులను జులై ఒకటి నుంచి ప్రారంభించనున్నట్టు వెల్లడించింది.
షెడ్యూల్‌లోని ఇతర ముఖ్యాంశాలు...
- ఈ ఏడాది అక్టోబరు 2 నుంచి 9 వరకు దసరా సెలవులు
- వచ్చే ఏడాది (2023) జనవరి 13 నుంచి 15 వరకు సంక్రాంతి సెలవులు
- 2023 ఫిబ్రవరి 6 నుంచి 13 వరకు ప్రీఫైనల్‌ పరీక్షలు
- ఫిబ్రవరి 20 నుంచి మార్చి 6 వరకు ఇంటర్ ప్రాక్టికల్‌ పరీక్షలు
- మార్చి 15 నుంచి ఏప్రిల్‌ 4 వరకు ఇంటర్ వార్షిక పరీక్షలు
- ఏప్రిల్‌ 1 నుంచి మే 31 వరకు వేసవి సెలవులు
- 2023 మే చివరి వారంలో ఇంటర్ అడ్వాన్స్డ్ సప్లిమెంటరీ పరీక్షలు
- అదే ఏడాది జూన్‌ 1న కాలేజీల పున:ప్రారంభం
