నవతెలంగాణ బ్యూరో - హైదరాబాద్‌
        రాష్ట్రంలో గ్రూప్‌-1 పోస్టులకు భారీగా దరఖాస్తులొస్తున్నాయి. ఈ మేరకు తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) కార్యదర్శి అనితా రామచంద్రన్‌ మంగళవారం ఒక ప్రకటన విడుదల చేశారు. మంగళవారం నాటికి ఆన్‌లైన్‌లో 2,00,428 దరఖాస్తులొచ్చాయని వివరించారు. గతనెల 26వ తేదీన 503 పోస్టుల భర్తీకి తెలంగాణ తొలి గ్రూప్‌-1 నోటిఫికేషన్‌ను టీఎస్‌పీఎస్సీ విడుదల చేసిన విషయం తెలిసిందే. దరఖాస్తుల సమర్పణకు తుదిగడువు ఈనెల 31వ తేదీ వరకు అవకాశమున్నదని పేర్కొన్నారు. వన్‌టైం రిజిస్ట్రేషన్‌ (ఓటీఆర్‌)కు సంబంధించి కొత్తగా 1,39,719 మంది, సవరణ చేసుకున్న వారు 2,90,079 మంది కలిపి 4,29,798 మంది అభ్యర్థులు వివరాలను అప్‌లోడ్‌ చేశారని వివరించారు. ఇతర వివరాలకుwww.tspsc.gov.in వెబ్‌సైట్‌ను సంప్రదించాలని సూచించారు.