- వ్యవసాయ కమిషనర్‌కు అగ్రిడాక్టర్స్‌ సంఘం కృతజ్ఞతలు
నవతెలంగాణబ్యూరో-హైదరాబాద్‌
            వ్యవసాయ శాఖలోని ఉద్యోగుల సమస్యల పట్ల ప్రత్యేక శ్రద్ద తీసుకుంటున్న కమిషనర్‌ రఘునందన్‌రావుకు తెలంగాణ అగ్రిడాక్టర్స్‌ సంఘం వ్యవస్థాపక అధ్యక్షులు కె రాములు, అధ్యక్ష, కార్యదర్శలు రాజారత్నం, తిరుపతి బృందం కృతజ్ఞతలు తెలిపారు ఈమేరకు మంగళవారం వ్యవసాయ శాఖ కార్యాలయంలో వారు కమిషనర్‌ను కలిసి ధన్యవాదాలు తెలిపారు. ఏడాది క్రితం కమిషనర్‌గా బాధ్యతలు చేపట్టిన ఆయన ప్రభుత్వ పరంగా రైతుల కోసం ఎన్నో కార్యక్రమాలు నిర్వహిస్తున్నారని కొనియాడారు. వ్యవసాయ అధికారులకు రవాణా సౌకర్యం కల్పించడంలో శ్రద్ద తీసుకున్నారని తెలిపారు. కార్యాలయానికి మరమ్మతులు చేసి, కార్పొరేట్‌ స్థాయిలో తీర్చిదిద్దారని పేర్కొన్నారు. రిటైర్డు ఉద్యోగులకు మెడికల్‌ బిల్లులు వెంటనే చెల్లించేలా చర్యలు చేపట్టారని హర్షం వ్యక్తం చేశారు. ఈనేపథ్యంలో పత్రికల్లో ఆయనపై నిందారోపణలు చేస్తు వచ్చిన కొన్ని వార్తలు బాధ కలిగిస్తున్నాయని తెలిపారు.