నవతెలంగాణ బ్యూరో - హైదరాబాద్
రాష్ట్రంలో కొత్తగా 434 మందికి కరోనా సోకింది. మంగళవారం సాయంత్రం 5.30 గంటల నుంచి బుధవారం సాయంత్రం 5.30 గంటల వరకు 27,754 మందికి టెస్టులు చేయగా బయటపడినట్టు కోవిడ్‌-19 మీడియా బులెటిన్‌ వెల్లడించింది. 129 మంది డిశ్చార్జి అయ్యారు. 507 మంది రిపోర్టులు రావాల్సి ఉంది. రాష్ట్రంలో ప్రస్తుతం 2,680 యాక్టివ్‌ కేసులున్నాయి. వీరిలో ప్రభుత్వ, ప్రయివేటు ఆస్పత్రుల్లో 37 మంది చికిత్స పొందుతున్నారు. జిల్లాల వారీగా చూస్తే హైదరాబాద్‌లో అత్యధికంగా 292 మందికి కరోనా సోకింది. రాష్ట్రంలో పాజిటివ్‌ రేటు 1.56 శాతంగా నమోదయింది.
మీ స్నేహితులకు రికమెండ్ చెయ్యండి
