- ఉత్తర్వులు జారీ చేసిన రాష్ట్ర సర్కారు
నవతెలంగాణ బ్యూరో-హైదరాబాద్
సికింద్రాబాద్‌ రైల్వే స్టేషన్‌లో ఈ నెల 17న జరిగిన కాల్పుల్లో మరణించిన దామెర రాకేశ్‌ కుటుంబాన్ని ఆదుకునేందుకు గానూ అతని సోదరుడు రామ్‌రాజుకు రాష్ట్ర సర్కారు ఉద్యోగం కల్పించింది. ఈ మేరకు రాష్ట్ర ప్రభుత్వ ప్రధాన కార్యదర్శి సోమేశ్‌కుమార్‌ ఉత్తర్వులు జారీ చేశారు. రామ్‌రాజు విద్యార్హతకు అనుగుణంగా వరంగల్ జిల్లాలో తగిన ఉద్యోగం ఇవ్వాలని కలెక్టర్‌ను ఆదేశించారు. రాకేశ్‌ కుటుంబ సభ్యుల్లో ఒకరికి ఉద్యోగం ఇస్తామని సీఎం కేసీఆర్‌ ప్రకటించిన విషయం విదితమే.
మీ స్నేహితులకు రికమెండ్ చెయ్యండి
