- ఇద్దరు యువకుల ఘాతుకం
- గాంధారి మండలంలో ఆలస్యంగా వెలుగులోకి..
నవతెలంగాణ-గాంధారి
             నోట్లో గుడ్డలు కుక్కి.. మహిళపై ఇద్దరు యువకులు లైంగికదాడి చేశారు. ఈ ఘటన కామారెడ్డి జిల్లా గాంధారి మండలంలో ఆలస్యంగా వెలుగుజూసింది. మండలంలోని ఓ తండాకు చెందిన మహిళ శుక్రవారం పశువులు మేపడానికి వెళ్లింది.
             అదే తండాకు చెందిన ఇద్దరు యువకులు మహిళను బలవంతంగా ఒర్రెలోకి లాక్కెళ్లి అరవకుండా నోట్లో గుడ్డలు కుక్కి లైంగికదాడి చేశారు. మహిళ స్పృహ కోల్పోవడంతో చనిపోయిందని భావించి అక్కడే వదిలేసి వెళ్లిపోయారు. కాగా బాధితురాలు శనివారం పోలీసులకు ఫిర్యాదు చేసింది. నిందితులను పోలీసులు అదుపులోకి తీసుకుని దర్యాప్తు చేస్తున్నట్టు సీఐ రామన్‌ తెలిపారు.