- ఆన్‌లైన్‌లో దరఖాస్తు గడువు 10
నవతెలంగాణ బ్యూరో - హైదరాబాద్‌
            రాష్ట్రంలోని మోడల్‌ స్కూళ్లలో ఇంటర్మీడియెట్‌లో 2022-23 విద్యాసంవత్సరానికి ప్రథమ సంవత్సరం ప్రవేశాలకు నోటిఫికేషన్‌ విడుదలైంది. ఈ మేరకు మోడల్‌ స్కూళ్ల అదనపు సంచాలకులు ఉషారాణి శనివారం ఒక ప్రకటన విడుదల చేశారు. రాష్ట్రంలోని 194 మోడల్‌ స్కూళ్లలో ఆంగ్ల మాధ్యమంలో ఇంటర్‌ ప్రథమ సంవత్సరం ప్రవే శాలకు ఆన్‌లైన్‌లో దరఖాస్తులను ఆహ్వానిస్తున్నామని తెలిపారు. పదో తరగతి ఉత్తీర్ణులైన విద్యార్థులు దరఖాస్తు చేసుకో వాలని సూచిం చారు. మోడల్‌ స్కూళ్లలోని ఇంటర్‌లో ఎంపీసీ, బైపీసీ, ఎంఈసీ, సీఈసీ కోర్సులు న్నాయని వివరించారు. ఆన్‌లైన్‌లో దరఖాస్తుల సమర్పణకు తుది గడువు ఈనెల పది వరకు ఉందని తెలిపారు. ఇతర వివరాల కోసం www.tsmodelschools.com వెబ్‌సైట్‌ను సంప్రదించాలని సూచించారు.