నవతెలంగాణ బ్యూరో - హైదరాబాద్
'ఊరెళ్లిపోతా మామ' సినిమా హీరో, సాఫ్ట్‌ వేర్‌ ఇంజినీర్‌ వరుణ్‌ ఆర్ల ...సాఫ్ట్‌ వేర్‌ సినీ స్టార్‌ అవార్డును అందుకున్నారు. డ్రంకెన్‌ డ్రైవ్‌, రోడ్డు భద్రతపై అవగాహన లాంటి సామాజిక బాధ్యతతో కూడిన లఘు చిత్రాలను ఆయన రూపొందించారు. వ్యవసాయ ప్రాధాన్యతను తెలిపే విధంగా ఉన్న 'ఊరెళ్లిపోతా మామ' సినిమాలో హీరో పాత్రను పోషించారు. ఈ నేపథ్యంలో మంగళవారం హైదరాబాద్‌లో జరిగిన కార్యక్రమంలో తెలంగాణ సినీ పరిశ్రమ అభివృద్ధి సంస్థ చైర్మన్‌ అనిల్‌ కుర్మాచలం వరుణ్‌కు ఈ అవార్డును అందజేశారు.
మీ స్నేహితులకు రికమెండ్ చెయ్యండి
