- టీవీఆర్వోడబ్ల్యూఏ ప్రకటన
నవతెలంగాణ బ్యూరో-హైదరాబాద్‌
              వీఆర్వోలతో బలవంతంగా పనిచేయించడాన్ని నిరసిస్తూ తాము సహాయ నిరాకరణ చేస్తున్నామనీ, తమకు విధుల బహిష్కరణ, సమ్మె పిలుపు వంటి వాటితో సంబంధం లేదని తెలంగాణ గ్రామ రెవెన్యూ అధికారుల సంక్షేమ సంఘం(టీవీఆర్వోడబ్ల్యూఏ) రాష్ట్ర కమిటీ ప్రకటించింది. మంగళవారం ఈ మేరకు ఆ సంఘం రాష్ట్ర అధ్యక్ష, ప్రధాన కార్యదర్శులు గరికె ఉపేందర్‌రావు, హరాలే సుధాకర్‌రావు ఒక ప్రకటన విడుదల చేశారు. వీఆర్వోలు ఉద్యోగ అభద్రతలో ఉంటే అధికారులు శాలరీలు నిలిపేస్తామని బెదిరించడం, షోకాజ్‌ నోటీసులు ఇవ్వడం సబబు కాదని పేర్కొన్నారు. వీఆర్వోలకు స్పష్టమైన జాబ్‌చార్ట్‌ విడుదల చేయాలని డిమాండ్‌ చేశారు.