- టీఎస్‌పీఎస్సీ నోటిఫికేషన్‌ జారీ
- ఆగస్టు 5 నుంచి దరఖాస్తుల స్వీకరణ
నవతెలంగాణ బ్యూరో - హైదరాబాద్‌
రాష్ట్రంలో రవాణా శాఖకు చెందిన 113 అసిస్టెంట్‌ మోటార్‌ వెహికిల్‌ ఇన్‌స్పెక్టర్‌ (ఏఎంవీఐ) పోస్టులను భర్తీ చేయనున్నట్టు తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) ప్రకటించింది. ఈ మేరకు టీఎస్‌పీఎస్సీ కార్యదర్శి అనితా రాజేంద్రన్‌ బుధవారం నోటిఫికేషన్‌ జారీ చేశారు. వచ్చేనెల ఐదు నుంచి దరఖాస్తుల స్వీకరణ ప్రక్రియ ప్రారంభమవుతుందని వివరించారు. వాటిని సమర్పణకు సెప్టెంబర్‌ ఐదో తేదీవరకు గడువుందని తెలిపారు. అర్హతలు, ఇతర వివరాలకు షషష.్‌రజూరష.స్త్రశీఙ.ఱఅ వెబ్‌సైట్‌ను సంప్రదించాలని సూచించారు. మల్టీ జోన్‌-1లో 54 పోస్టులు, మల్టీ జోన్‌-2లో 59 పోస్టులు కలిపి మొత్తం 113 పోస్టులున్నాయని వివరించారు. ఆబ్జెక్టివ్‌ విధానంలో ప్రశ్నాపత్రం ఉంటుందనీ, నవంబర్‌లో రాతపరీక్షలుంటాయని పేర్కొన్నారు.