- ట్రయల్స్‌లో ప్రత్యేకార్షణగా బేబి ఐదిక
హైదరాబాద్‌ : తెలంగాణ ఫెన్సింగ్‌ సెలక్షన్‌ ట్రయల్స్‌. దుండిగల్‌లోని ఎంఎల్‌ఆర్‌ఐటీ క్యాంపస్‌ వేదిక. కత్తి పట్టుకున్న ఓ ఆరేండ్ల చిన్నారి ఐదిక తన నైపుణ్యంతో అందరి దృష్టిని ఆకర్షించింది. చైల్డ్‌ (అండర్‌-10) విభాగం ఫాయిల్‌ వ్యక్తిగత విభాగంలో మెరిసిన ఐదిక.. ఈ నెల 5 నుంచి మహారాష్ట్రలోని నాసిక్‌లో జరుగనున్న జాతీయ ఫెన్సింగ్‌ చాంపియన్‌షిప్స్‌కు ఎంపికైంది. చైల్డ్‌, మినీ విభాగాల్లో రాష్ట్ర జట్లను ఎంపిక చేశారు. సెలక్షన్‌ కమిటీ ట్రయల్స్‌లో 46 మంది ఫెన్సర్లను జాతీయ పోటీలకు ఎంపిక చేశారు. రాష్ట్ర జట్లకు ఎంపికైన చిన్నారి ఫెన్సర్లకు తెలంగాణ ఫెన్సింగ్‌ సంఘం అధ్యక్షుడు మర్రి రాజశేఖర్‌ రెడ్డి, కోశాధికారి సందీప్‌ కుమార్‌ జాదవ్‌ అభినందనలు తెలిపారు.