- కోటి చీరలు
- 30 రకాలు, 240 డిజైన్లు
- 800 కలర్‌ కాంబినేషన్లు
నవతెలంగాణబ్యూరో-హైదరాబాద్‌
           తెలంగాణ ప్రాంతంలో జరిగే బతుకమ్మ పండుగ ఉత్సవాలు రాష్ట్ర ఆత్మగౌరవానికి ప్రతీకగా నిలిచాయి. ప్రపంచ చిత్ర పటంలో అది గొప్ప పండుగగా పేరొంది. మహిళా సోదరీమణుల సంతోషం కోసం ముఖ్యమంత్రి కె. చంద్రశేఖర్‌రావు ప్రతియేటా ఈ ఉత్సవాలను ఘనంగా జరిపిస్తున్నారు. రంగు రంగుల వన్నెల్లో, కలర్‌ ఫుల్‌ రంగులతో సిరిసిల్ల, పోచంపల్లి, గద్వాల్‌ తదితర ప్రాంతాల్లో నేతన్నలతో చీరలు నెయిస్తున్నారు. రాష్ట్రంలో అన్ని ప్రాంతాల్లో మహిళా సోదరిమణులకు భారీగా పంపిణీ చేయిస్తున్నారు. అదే విధంగానే ఈ ఏడాది బతుకమ్మ పండుగకు కూడా చీరలు భారీగా పంపిణీ చేయాలని ప్రభుత్వం సన్నాహాలు చేస్తున్నది. ఈ ఏడాది రూ. 340 కోట్ల వ్యయంతో బతుకమ్మ చీరలు నెయిస్తున్నారు. 240 పైచిలుకు వెరైటీ డిజైన్లతో చీరలు తయారు చేసి పంపిణీకి సిద్ధం చేశారు. కోటి 18 లక్షల చీరలు మహిళా సోదరిమణులకు పంపిణీ చేయడానికి టెస్కో, తెలంగాణ హ్యాండ్లూమ్స్‌ శాఖ సన్నాహాలు చేస్తున్నాయి. ఈ సంవత్సరం బతుకమ్మ చీరలు వెండి, బంగారు, జరీ అంచులతో తయారు చేయించారు. ముఖ్యమంత్రి ఆకాంక్ష మేరకు ప్రభుత్వం, రాష్ట్ర అవతరణ తర్వాత ప్రతి బతుకమ్మ పండుగ సందర్భంగా తెలంగాణ ఆడబిడ్డలకు రంగు రంగుల డిజైన్లతో చీరలు పంపిణీ చేయిస్తున్నారు. త్వరలోనే పంపిణీ కార్యక్రమం వివరాలు ఆ శాఖ వెల్లడించనుంది.ఈమేరకు ఆదివారం సమాచార పౌర సంబంధాల శాఖ కమిషనర్‌ ఒక ప్రకటనలో పేర్కొన్నారు.