నవతెలంగాణ బ్యూరో- హైదరాబాద్
వరల్డ్‌ ఫెడరేషన్‌ ఆఫ్‌ ట్రేడ్‌ యూనియన్స్‌(డబ్ల్యూఎఫ్‌టీయూ) ఆవిర్భావ దినోత్సవాన్ని పురస్కరించుకుని అక్టోబర్‌ మూడో తేదీన అధిక ధరలను వ్యతిరేకిస్తూ నిరసన కార్యక్రమాలు చేపట్టాలని కార్మికులకు సీఐటీయూ పిలుపునిచ్చింది. ఈ మేరకు సీఐటీయూ రాష్ట్ర అధ్యక్ష, ప్రధాన కార్యదర్శులు చుక్కరాములు, పాలడుగు భాస్కర్‌ ఒక ప్రకటన విడుదల చేశారు. అంతర్జాతీయ కార్మిక సమాఖ్య ప్రతి ఏటా అక్టోబర్‌ 3న కార్మికవర్గం ఎదుర్కొనే సమస్యలపై సదస్సులు, సెమినార్లు, తదితర కార్యక్రమాలు నిర్వహిస్తున్నట్టు తెలిపింది.
మీ స్నేహితులకు రికమెండ్ చెయ్యండి
