నవతెలంగాణ బ్యూరో - హైదరాబాద్
గ్రూప్‌-1 ప్రిలిమినరీ రాతపరీక్షకు సంబంధించిన ప్రాథమిక కీని శనివారం విడుదల చేయాలని తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) నిర్ణయించింది. అభ్యర్థుల ఓఎంఆర్‌ పత్రాలను సైతం టీఎస్‌పీఎస్సీ వెబ్‌సైట్‌లో అందుబాటులో ఉంచే అవకాశమున్నది. 503 పోస్టుల భర్తీకి తెలంగాణ తొలి గ్రూప్‌-1 నోటిఫికేషన్‌ను టీఎస్‌పీఎస్సీ ఏప్రిల్‌ 26వ తేదీన విడుదల చేసిన విషయం తెలిసిందే. ఈనెల 16న ఉదయం 10.30 నుంచి మధ్యాహ్నం ఒంటిగంట వరకు పరీక్షను నిర్వహించారు. రాష్ట్రవ్యాప్తంగా 3,80,081 మంది అభ్యర్థులు దరఖాస్తు చేయగా, వారిలో 2,86,051 (75 శాతం) మంది అభ్యర్థులు హాజరయ్యారు.
మీ స్నేహితులకు రికమెండ్ చెయ్యండి
