- మాజీ ప్రధాన న్యాయమూర్తి ఎల్‌.నరసింహారెడ్డి,
నవతెలంగాణ బ్యూరో - హైదరాబాద్
జీవితంలో నిజాయితీ, కఠోర శ్రమ, వినయం ఉన్న వ్యక్తులే మనకు ఆదర్శంగా నిలుస్తారని పాట్నా హైకోర్టు మాజీ ప్రధాన న్యాయమూర్తి ఎల్‌.నరసింహారెడ్డి అన్నారు. సోమవారం దక్షిణ మధ్య రైల్వే ప్రధాన కార్యాలయంలో నిర్వహించిన విజిలెన్స్‌ అవగాహనా వారోత్సవాలు-2022 ప్రారంభ కార్యక్రమంలో ఎల్‌. నరసింహారెడ్డి పాల్గొని ప్రసంగించారు. ఈ కార్యక్రమానికి దక్షిణ మధ్య రైల్వే సీనియర్‌ డిప్యూటీ జనరల్‌ మేనేజర్‌, చీఫ్‌ విజిలెన్స్‌ ఆఫీసర్‌ చంద్రిమా రారు ఈ సభకు అధ్యక్షత వహించారు. అవినీతిని పారద్రోలాలంటే బలమైన సంకల్ప శక్తి ఒక్కటే పరిష్కారమని అన్నారు. దేశాన్ని ఏకం చేయడంలో కీలకపాత్ర పోషించిన వల్లభారు పటేల్‌ జయంతి సందర్భంగా అక్టోబర్‌ 31వ తేదీని జాతీయ ఐక్యతా దినోత్సవంగా కూడా జరుపుకుంటామని వివరించారు.
మీ స్నేహితులకు రికమెండ్ చెయ్యండి
