- టెస్కాబ్‌ చైర్మెన్‌ కొండూరు రవీందర్‌రావు
నవతెలంగాణబ్యూరో-హైదరాబాద్‌
            సహకార సంఘాల బలోపేతం కోసం కృషి చేస్తున్నట్టు రాష్ట్ర టెస్కాబ్‌ చైర్మెన్‌ కొండూరు రవీందర్‌రావు పేర్కొన్నారు. సహకార సంఘాలపై ప్రజల్లో మరింత నమ్మకాన్ని పెంచడంలో, తద్వారా మెరుగైన ప్రపంచాన్ని నిర్మించడంలో ఆ సంఘాల సంకల్పం గొప్పదని చెప్పారు. ఆదివారం బ్రస్సెల్స్‌, బెల్జియంలో ఇంటర్నే షనల్‌కో ఆపరేటివ్‌ బ్యాంకింగ్‌ అసోసియేషన్‌ (ఐసీబీఏ) ఆధ్వర్యంలో 'సహకార బ్యాంకింగ్‌ పీపుల్‌ సెంటర్డ్‌ ఇన్‌స్టిట్యూషన్స్‌' అనే అంశంపై మూడు రోజులపాటు శతాబ్ది ఉత్సవాలు జరిగాయి. సహకార ఆర్థిక సంస్థల భవిష్యత్తు, అధ్యయనం, శక్తి, సమర్థత కోసం తీసుకోవాల్సిన కీలకమైన చర్యలపై అక్కడ చర్చించినట్టు తెలిపారు. ఈ సమావేశంలో ఐసీఏ అధ్యక్షులు ఏరియల్‌ గ్వార్కో, బి. సుబ్రహ్మణ్యం, ఇతర ప్రముఖులు తమ అనుభవాలు పంచుకున్నారు.