- భూగర్భ జలవనరుల శాఖలో పోస్టులకు
- టీఎస్‌పీఎస్సీ వెల్లడి
నవతెలంగాణ బ్యూరో - హైదరాబాద్‌
          రాష్ట్రంలో తెలంగాణ భూగర్భ జలవనరుల శాఖలో ప్రకటించిన వివిధ పోస్టులకు అర్హులైన అభ్యర్థుల నుంచి తెలంగాణ రాష్ట్ర పబ్లిక్‌ సర్వీస్‌ కమిషన్‌ (టీఎస్‌పీఎస్సీ) ఆన్‌లైన్‌ ద్వారా దరఖాస్తుల స్వీకరణ ప్రక్రియ బుధవారం నుంచి ప్రారంభం కానుంది. ఈ మేరకు టీఎస్‌పీఎస్సీ కార్యదర్శి అనితా రామచంద్రన్‌ మంగళవారం ఒక ప్రకటన విడుదల చేశారు. వాటి సమర్పణకు ఈనెల 28వ తేదీ వరకు గడువుందని వివరించారు. భూగర్భ జలవనరుల శాఖలో 32 గెజిటెడ్‌, 25 నాన్‌గెజిటెడ్‌ కలిపి 57 పోస్టులను భర్తీ చేయనున్న విషయం తెలిసిందే. ఇతర వివరాలకు www.tspsc.gov.in వెబ్‌సైట్‌ను సంప్రదించాలని సూచించారు.