నవతెలంగాణ బ్యూరో-హైదరాబాద్
పార్టీ ఆవిర్భావం అనంతరం.. రెండో రోజైన గురువారం కూడా బీఆర్‌ఎస్‌ అధినేత, సీఎం కేసీఆర్‌కు శుభాకాంక్షల వెల్లువ కొనసాగింది. సందర్శకులు ప్రజా ప్రతినిధులతో ఆయన బీజీ బీజీగా గడిపారు. బీఆర్‌ఎస్‌ జాతీయ కార్యాలయ ప్రారంభం కోసం తెలంగాణ నుంచి వేలాదిగా తరలివచ్చిన పార్టీ నేతలు కార్యకర్తలతో పాటు, ఉత్తరాది నుంచి వచ్చిన వందలాది రైతు సంఘాల నేతలు ప్రముఖులతో సీఎం కేసిఆర్‌ అధికారిక నివాసం, తుగ్లక్‌ రోడ్‌ పరిసర ప్రాంతాలు జన సందోహంతో కిక్కిరిసి పోయాయి. తనను కలిసి శుభాకాంక్షలు తెలపడానికి వచ్చిన ప్రతి అభిమానీ, కార్యకర్తను పేరు పేరునా పలకరించిన కేసీఆర్‌ వారితో కలిసి ఫోటోలు దిగారు.
మీ స్నేహితులకు రికమెండ్ చెయ్యండి
