- ప్రిన్సిపాళ్లకు విత్‌డ్రాయింగ్‌ అధికారాలపై టీఎస్‌జీసీసీఎల్‌ఏ 475 హర్షం
నవతెలంగాణ బ్యూరో-హైదరాబాద్
రాష్ట్రంలోని ప్రభుత్వ జూనియర్‌ కళాశాలల్లో పనిచేస్తున్న కాంట్రాక్ట్‌ లెక్చరర్లకు ఫిబ్రవరి నెల వేతనాలు ఇంటర్ విద్యా కమిషనర్‌ విడుదల చేసినట్టు తెలంగాణ రాష్ట్ర ప్రభుత్వ కళాశాలల కాంట్రాక్ట్‌ లెక్చరర్ల అసోసియేషన్‌ రాష్ట్ర అధ్యక్ష ,కార్యదర్శులు జి రమణారెడ్డి ,డాక్టర్‌ కుప్పిశెట్టి సురేష్‌ తెలిపారు. ఈ వేతనాలను సంబంధిత కళాశాల ప్రిన్సిపాళ్లు డ్రాయింగ్‌ ఆఫీసర్లుగా బయోమెట్రిక్‌ అటెండెన్స్‌ తో బిల్లులు ట్రెజరర్‌కి సమర్పించి వేతనాలు మంజూరు చేయాలని ఉత్తర్వులు జారీ చేయడం పట్ల హర్షం వ్యక్తం చేశారు. ఈ మేరకు ఒక ప్రకటన విడుదల చేశారు. గతంలో ఏ ఒక్క కాలేజీ బిల్లు ఆలస్యం చేసినా మిగతా కళాశాల కాంట్రాక్ట్‌ లెక్చరర్లు ఇబ్బంది పడేవారనీ, ఇప్పుడు ఆయా కాలేజీల్లోనే బిల్లులు చేయడం వల్ల ఇతర కాలేజీలతో సంబంధం లేదని తెలిపారు. ఇంటర్ విద్యా కమిషనర్‌ నవీన్‌ మిట్టల్‌ సానుకూలంగా పరిశీలించిన ఉత్తర్వులు జారీ చేసినందుకు ధన్యవాదాలు తెలిపారు.
