- చిత్ర రామచంద్రన్‌ పదవీ విరమణ
నవతెలంగాణ బ్యూరో - హైదరాబాద్
విద్యాశాఖ ముఖ్యకార్యదర్శిగా సందీప్‌కుమార్‌ సుల్తానియాను రాష్ట్ర ప్రభుత్వం నియమించింది. విద్యాశాఖ ప్రత్యేక ప్రధాన కార్యదర్శిగా పనిచేసిన చిత్ర రామచంద్రన్‌ శుక్రవారం పదవీ విరమణ చేశారు. దీంతో సందీప్‌కుమార్‌ సుల్తానియాకు పూర్తి అదనపు బాధ్యతలు (ఎఫ్‌ఏసీ) అప్పగిస్తూ రాష్ట్ర ప్రభుత్వ ప్రధాన కార్యదర్శి సోమేశ్‌కుమార్‌ శుక్రవారం ఉత్తర్వులు జారీ చేశారు. తదుపరి ఉత్తర్వులు వచ్చేంత వరకూ ఆయన ఈ పదవిలో కొనసాగుతారని తెలిపారు. చిత్ర రామచంద్రన్‌ను విద్యాశాఖ మంత్రి పి సబితా ఇంద్రారెడ్డి అభినందించారు. పలు ఉపాధ్యాయ, అధ్యాపక సంఘాల నేతలు ఆమెకు అభినందనలు తెలిపారు. చిత్ర రామచంద్రన్‌కు ఉన్నత విద్యాశాఖ కమిషనర్‌ నవీన్‌ మిట్టల్‌, ఇంటర్ బోర్డు కార్యదర్శి సయ్యద్‌ ఒమర్‌ జలీల్‌ వీడ్కోలు పలికిన విషయం తెలిసిందే.
మీ స్నేహితులకు రికమెండ్ చెయ్యండి
