- పార్టీ కార్యకర్త ఫిర్యాదు మేరకు ఎఫ్‌ఐఆర్‌
- ఉత్తరాఖండ్‌లో ఘటన
రాంచీ : ఉత్తరాఖండ్‌ జ్వాలాపూర్‌ నియోజకవర్గ ఎమ్మెల్యే సురేష్‌ రాథోడ్‌పై లైంగికదాడి కేసు నమోదైంది.బీజేపీ మహిళా కార్యకర్త ఇచ్చి న ఫిర్యాదు మేరకు పోలీసులు కేసు నమోదు చేశారు.అలాగే కోర్టు ఆదేశాలతో ఐపీసీలోని పలు సెక్షన్‌ల కింద అభియోగాలు మోపినట్టు పోలీసులు తెలిపారు.కొన్ని నెలల క్రితం ఎమ్మెల్యే రాథోడ్‌ తనపై అఘాయిత్యానికి పాల్పడ్డాడనీ,ఆ సమయంలో ఎమ్మెల్యే బెదిరింపులకు పాల్పడటంతో ఫిర్యాదు చేయలేకపోయానని,తనకు న్యాయం చేయాలని బీజేపీ మహిళా కార్యకర్త కోర్టును ఆశ్రయించారు. కోర్టు ఆదేశాల మేరకు కేసు నమోదుచేసిన పోలీసులు ప్రాథమిక దర్యాప్తు ప్రారంభించారు.