- కార్మికుడి మృతి, ఇద్దరికి గాయాలు
వల్సాద్‌ : గుజరాత్‌ వల్సాద్‌ జిల్లాలోని ఒక రసాయన పరిశ్రమలో సోమవారం పేలుడు సంభవించింది. ప్యాక్టరీలోని రియాక్టర్‌ పేలిన ఘటనల్లో ఒక కార్మికులు మరణించగా, మరో ఇద్దరికి గాయాలయ్యాయని పోలీసులు తెలిపారు. ప్రత్యేక రసాయనాలు తయారు చేసే వాపి తాలూకాలోని సరిగ్రామ్‌ పట్టణ జిఐడిసి పరిధిలోని సర్వైవల్‌ టెక్నాలజీస్‌ ప్రైవేట్‌ లిమిటెడ్‌కు చెందిన ఒక యూనిట్‌లో ఈ ఘటన చోటుచేసుకుంది. మధాహ్న సమయంలో జరిగిన ఆ పేలుడు ఒక కార్మికుడు కాలిన గాయాలతో అక్కడికక్కడే మరణించగా, గాయాలపాలైన మరో ఇద్దరిని సమీపంలోని ఆసుపత్రికి తరలించామని భిలాద్‌ పోలీసుస్టేషన్‌ అధికారులు వెల్లడించారు. క్షతగాత్రుల ఆరోగ్య పరిస్థితి నిలకడగా ఉందని తెలిపారు. పేలుడు సంభవించిన సయయంలో డ్యూటీలో నలుగురు ఉన్నారని, ఘటనపై తదుపరి దర్యాప్తు కొనసాగుతోంది పేర్కొన్నారు.