- నలుగురు సీఆర్పీఎఫ్ జవాన్లకు గాయాలు
రారుపూర్‌: ఛత్తీస్‌గఢ్‌ రాజధాని రారుపూర్‌ రైల్వేస్టేషన్‌లో స్వల్ప పేలుడు సంభవించింది. ఈ పేలుడు ఘటనలో నలుగురు సీఆర్పీఎఫ్ జవాన్లకు గాయాలయ్యాయి. డిటోనేటర్లు, హెచ్‌డీ కాట్రిడ్జ్‌ వంటి మందుగుండు సామగ్రితో కూడిన కంటైనర్‌ను రైలులోకి ఎక్కిస్తుండగా ప్రమాదవశాత్తూ కిందపడి పేలుడు సంభవించింది. ఆ సమయంలో సీఆర్పీఎఫ్ జవాన్లు ప్రయాణిస్తున్న ప్రత్యేక రైలు అక్కడే ఆగి ఉండటంతో జవాన్లకు గాయాలయ్యాయి.సీఆర్పీఎఫ్ జవాన్లతో ప్రయాణిస్తున్న ప్రత్యేక రైలు ఒడిశాలోని ఝర్సుగూడ నుంచి జమ్ముకు వెళ్తోంది. ఉదయం ఆరున్నర సమయంలో రారుపూర్‌ స్టేషన్‌లోని ప్లాట్‌ఫామ్‌ వద్ద రైలు నిలిపి ఉంచిన సమయంలో పేలుడు సంభవించింది. ఈ ఘటనలో నలుగురు జవాన్లు గాయపడినట్టు రైల్వే పోలీసులు తెలిపారు. క్షతగాత్రులను చికిత్స నిమిత్తం సమీప ఆస్పత్రికి తరలించి చికిత్స అందించారు.
